De Yong "Manchester Yunayted"ga o'tishdan bosh tortgani haqida "Barselona" rahbariyatini ogohlantirdi

Yarim himoyachi Frenki de Yong "Barselona"dan "Manchester Yunayted"ga o'tishni istamayapti.

Diario Sport nashri xabariga ko'ra, yarim himoyachi Kataloniya klubida qolish niyatida va "Yunayted"ga o'tishdan bosh tortmoqda. Bu haqda Frenki har ikki klub vakillarini xabardor qildi.

De Yong hamma uni "Barselona"dan ketishga undayotgani yoqmayapti.

Kataloniya klubi yozda Frenki transferiga muhtoj - bir nechta transferlar ushbu sotuvga bog'liq. Qolaversa, yarim himoyachining "Barselona" bilan shartnomasi shartlariga ko'ra, uning maoshi klubdagi to'rtinchi yilida sezilarli darajada oshishi kerak. "Barselona" bunday xarajatlarni ko'tara olmaydi.

Kecha "Manchester Yunayted" va "Barselona" de Yongning 65 million evro va bonuslar evaziga transferi borasida kelishuvga yaqin ekani ma'lum bo'ldi.

25 yoshli yarim himoyachi o'tgan mavsumda "ko'k-anorranglilar" safida 46 ta o'yinda maydonga tushib, 4 ta gol urdi va 5 ta golli uzatmani amalga oshirdi.