Rasman! Masharipov harakat qilayotgan "An-Nassr"ga yangi bosh murabbiy tayinlandi

“Lion” va “Roma” klublarining sobiq bosh murabbiyi Rudi Garsiya “An-Nassr”ni boshqarishga kirishdi, deya xabar beradi Saudiya Arabistoni klubi matbuot xizmati. 58 yoshli murabbiy bilan kelishuvi tafsilotlari oshkor etilmagan.

"An-Nassr" direktorlar kengashi raisi Musli Al Muammar frantsiyalik mutaxassis Rudi Garsiya bilan shartnoma imzoladi, u klubning asosiy jamoasi bilan ishlaydi. Ishlarida muvaffaqiyatlar tilab qolamiz”, - deyiladi klub matbuot xizmati xabarida.

Eslatib o'tamiz, Garsiya avvalroq "Sent-Eten", "Dijon", "Le Man", "Lill", "Roma", "Marsel", "Lion" va boshqa klublarda ishlagan.