"Tottenxem" "Everton"ga hujumchisini taklif qildi

"Tottenxem" "Everton" hujumchisi Risharlisonga qiziqish bildirmoqda, deb xabar beradi The Telegraph.

Manbaga ko'ra, London klubi futbolchi uchun 25 million evro to'lashga, shuningdek, niderlandiyalik Stiven Bergveynni berishga tayyor.

25 yoshli Risharlison o'tgan mavsumda "Everton" safida barcha turnirlarda 33 ta o'yinda maydonga tushib, 11 ta gol urdi va 5 ta golga assistentlik qildi. 24 yoshli Bergveyn “Tottenxem” safida 32 ta o'yinda maydonga tushib, 4 ta gol va 2 ta golli uzatmaga mualliflik qilgan.