"Real" va "PSJ" sobiq hujumchisi faoliyatini Turkiyada davom ettiradi

Hujumchi Xese Rodriges “Las-Palmas”dan "Ankaragyudju"ga ko'chib o'tdi. Seshanba kuni turk klubi 29 yoshli ispaniyalikning transferini e'lon qildi.

Xese turk jamoasi bilan yana bir mavsumga uzaytirish imkoniyati bilan bir yillik shartnoma imzoladi.

Forvard o'tgan mavsumda barcha turnirlarda 40 ta o'yinda maydonga tushib, 10 ta gol urdi va 6 ta golli uzatmani amalga oshirdi.

Eslatib o'tamiz, ispaniyalik hujumchi avvalroq "Sporting", "Betis", "Real" va "PSJ" klublarida ham to'p tepgan.