Tyuram Frantsiyada faoliyatini davom ettiradi

Myonxengladbaxning "Borussiya" klubi hujumchisi Markus Tyuram tez orada klubini o'zgartirishi mumkin. Jurnalist Rudi Galettining xabar berishicha, 24 yoshli hujumchi "Nitstsa"ga o'tishga yaqin turibdi.

Ushbu yozda futbolchi agentini o'zgartirgan, shundan so'ng u klubini o'zgartirish istagini bildirgan.

24 yoshli Tyuramning "Borussiya" bilan shartnomasi 2023 yilning yoziga qadar mo'ljallangan. Transfermarkt portali futbolchining narxini 20 million evroga baholamoqda.

O'tgan mavsumda u Bundesliganing 21 o'yinida 3 ta gol urdi va 1 ta golli uzatmani amalga oshirdi.

Ma'lumot o'rnida, Markusning ukasi Kefren Tyuram "Nitstsa"da o'ynaydi. Ular Frantsiya terma jamoasining mashhur sobiq himoyachisi, jahon va Evropa chempioni Lillian Tyuramning o'g'illaridir.