"Sevilya" Iskoga shartnoma taklif qilishga tayyor

"Real" bilan shartnomasi yakunlanganidan keyin erkin agent maqomiga ega bo'lgan ispaniyalik yarim himoyachi Isko faoliyatini La Liganing boshqa klubida davom ettiradi, deya xabar beradi jurnalist Ekrem Konur.

30 yoshli futbolchi bilan "Sevilya" shartnoma imzolashga tayyor. Andalusiyaliklar futbolchiga yana bir mavsum uzaytirish imkoniyati bilan ikki yillik shartnoma taklif qilishdi.

Isko "Real"ga 2013 yilda "Malaga"dan kelib qo'shilgan edi. Jamoa tarkibida u besh karra Chempionlar ligasi g'olibi, uch karra Ispaniya chempioni va UEFA Superkubogi sohibiga aylandi.

2021/22 yilgi mavsumda futbolchi barcha musobaqalarda jamoasi uchun 17 ta o'yinda 2 ta gol urdi.