Di Mariyaning rafiqasi erining yangi klubi haqida shama qildi

"PSJ"ni tark etib, erkin agent maqomini olgan argentinalik vinger Anxel di Mariya Italiya chempionatiga o'tishga yaqin turibdi. Hujumkor yarim himoyachining yangi klubi Turinning “Yuventus”i bo'lishi mumkin.

Corriere dello Sport xabariga ko'ra, Anxelning rafiqasi allaqachon ijtimoiy tarmoqlardagi “keksa sinyora”ning akkauntiga obuna bo'lgan. Shu tariqa, u eri turinliklar foydasiga tanlov qilganiga shama qildi.

Di Mariya "Yuventus" bilan bir yillik shartnoma imzolashga yaqin turibdi. Uning maoshi etti million evroni tashkil qiladi.