"Ayaks" "Manchester Yunayted"ni qiyin ahvolga solib qo'yyapti

"Ayaks" "Manchester Yunayted"dan hujumchi Antoni va himoyachi Lisandro Martines uchun taxminan 150 million evro talab qiladi, deb xabar beradi The Telegraph.

Manbaga ko'ra, Amsterdam klubi Antonini 80-90 million evroga, Martinesni esa 52-57 million evroga baholamoqda.

Qayd etilishicha, “Ayaks” hujumchi va himoyachini sotmoqchi emas, shuning uchun ular Manchester klubiga faqatgina katta takliflar bo'lsa, ularni sotishlarini ma'lum qilgan.

Shu bilan birga, muzokaralarda yaxshiroq holatda bo'lgan 24 yoshli argentinalik himoyachiga "Arsenal" ham qiziqish bildirmoqda.