Mariano Turkiya ketishi mumkin

Madridning "Real" klubi hujumchisi Mariano Dias Turkiyaning “Fenerbaxche” klubi nishoniga tushdi. Bu haqda AS xabar bermoqda.

Manbaga ko'ra, turk klubi allaqachon ispan klubi hujumchisiga ikkinchi transfer taklifini bildirgan. Xabar qilinishicha, "Fenerbaxche"ning birinchi taklifida Mariano Dias turk klubida ikki mavsum davomida har birida 4 million evro ishlab olishi aytilgan.

Qayd etilishicha, “Fenerbaxche”ning ikkinchi taklifi forvard uchun mavsum uchun 5 million evroga teng bo'lgan to'lovga etadi. Xabarda aytilishicha, endi Mariano Diasning o'zi turk klubiga o'tish masalasini hal qilishi kerak. Hujumchining madridliklar bilan shartnomasi 2023 yilning yoziga qadar mo'ljallangan.

Mariano Dias o'tgan mavsumda "Real Madrid" safida barcha turnirlar doirasida 11 ta o'yinda maydonga tushib, bitta gol va bitta golli uzatmani amalga oshirgan.