Jezus bugun tibbiy ko'rikdan o'tishi kerak

"Manchester Siti" hujumchisi Gabriel Jezus bugun, 28 iyun kuni Londonning "Arsenal" klubiga o'tishdan oldin tibbiy ko'rikdan o'tadi. Bu haqda jurnalist Fabritsio Romano o'z tvitterida xabar berdi.

Manbaga ko'ra, braziliyalik hujumchi allaqachon Londonga etib borgan va tez orada "kanonirlar" 25 yoshli hujumchining transferini rasman e'lon qiladi.

Oldinroq Gabriel Jezusning transfer summasi 52 million evroni tashkil qilishi xabar qilingandi. Qayd etilishicha, Braziliya terma jamoasi hujumchisi London klubi bilan 2027 yilgacha shartnoma tuzmoqchi.