"Chelsi" Shkrinyar bilan shartnoma imzolamoqchi

"Inter" himoyachisi Milan Shkrinyar "Chelsi" qiziqishlari doirasida bo'lib turibdi, deya xabar berdi jurnalist-insayder Janluka Di Martsio.

Manba bergan ma'lumotlarga ko'ra, "ko'klar" 27 yoshli futbolchi uchun allaqachon taklif yuborishgan. Muzokaralar Lukakuning "Inter"ga transferidan so'ng davom etadi.

Eslatib o'tamiz, Shkrinyar va "neradzurrilar" o'rtasidagi shartnoma 2023 yilning yozida yakunlanadi. O'tgan mavsum slovakiyalik futbolchi 48 ta o'yinda 4 ta gol urdi.