Amin Subhoniy: «Biz taktik jihatdan kuchli o'ynadik, «So'g'diyona» esa standartlarda yaxshi o'ynadi»

Dushanbening TsSKA klubi bosh murabbiyi Amin Subhoniy OFK kubogi guruh bochqichi 2-turi doirasida bo'lib o'tgan "So'g'diyona"ga qarshi o'yin (2:3) borasida o'z fikrlari bilan o'rtoqlashdi.

"Hech bir murabbiy mag'lubiyatni yoqtirmaydi, ammo bugun shogirdlarimning harakatlaridan qoniqish hosil qildim. O'yin so'nggiga qadar juda ko'p vaziyatlarga ega bo'ldik. Bahsda g'alaba qozonish uchun bizga yana tajriba etishmadi. Shunga qaramay, yigitlar munosib harakat qilishdi. Ikkinchi bo'limdagi qizil kartochka futbolchilarimizning tempiga ta'sir ko'rsatdi.

«So'g'diyona» standartlarda kuchli va 2ta golni aynan shuning oqibatida o'tkazib yubordik. Taktik nuqtai nazardan esa biz kuchliroq edik.

Darvozabonimiz 3ta gol o'tazib yuborgani — bu mening aybim. Mag'lubiyatning sababchisi men bo'laman. Bu men uchun ilk tajriba. Ammo bu o'yin ortda qoldi. Uni unutgan holda e'tiborni keyingi o'yinga qaratamiz. Musobaqani g'alaba bilan yakunlashni istaymiz.

Muxlislarga esa qo'llab-quvvatlaganliklari uchun minnatdorchilik bildiraman. Biz nafaqat TsSKa nomidan, balki butun Tojikiston futboli nomidan kurashdik", — dedi Subhoniy.