"Ayntraxt" murabbiyi: "Biz o'yin uslubimizni Gyottse yoki boshqa futbolchiga moslashtirmoqchi emasmiz"
/ Kiritdi: BestMaster Ko'rilgan: 91
Frankfurtning “Ayntraxt” klubi bosh murabbiyi Oliver Glasner jamoaning o'yin uslubini Germaniya terma jamoasining yangi yarim himoyachisi Mario Gyottsega moslashtirmasligini aytdi.
“Endi Mario bilan ishlay olishimdan va uni loyihamizga qiziqtirganimizdan xursandman. Mario uchun, boshqa o'yinchilar kabi, jamoa bilan tanishish, tizimimizni bilish muhim. Biz uning kuchli tomonlarini ishlaydigan tizimimizga kiritishga harakat qilamiz. Bu muhim. Biz o'z o'yin uslubimizni Mario Gyottse yoki boshqa birovga moslashtirmoqchi emasmiz", - deya Glasnerning so'zlarini keltiradi Get German Football News.
Eslatib o'tamiz, Mario Gyottse joriy yozgi transfer oynasida PSV Eyndxovendan 4 million evro evaziga Frankfurtning "Ayntraxt"iga o'tdi. 30 yoshli futbolchi klub bilan 2025 yilgacha mo'ljallangan shartnoma imzoladi.
Bosh sahifaga
216