Xavi Dembeleni olib qolish uchun juda qattiq harakat qilmoqda

"Barselona" bosh murabbiyi Xavi hujumchi Usmon Dembele bilan shartnomani uzaytirish borasida yangi urinishlar qilmoqda, deb xabar beradi Sport.es.

Manbaga ko'ra, Kataloniya klubi murabbiyining o'zi 25 yoshli futbolchining agenti bilan yangi uchrashuv o'tkazish tashabbusi bilan chiqqan va shu sabab uning ta'tilini to'xtatgan. Xavi Dembeleni "Barselona" taklif qilgan yangi shartnoma shartlarini qabul qilishga ishontirmoqchi.

Dembelening "Barselona" bilan amaldagi shartnomasi 2022 yilning 30 iyuniga qadar mo'ljallangan. Usmon o'tgan mavsumda La Liganing 21ta o'yinida maydonga tushib, 1ta gol urdi va 13ta golga assistentlik qildi.