"Real" yana bir yarim himoyachi uchun 100 million evrodan ko'proq mablag' sarf qilishi mumkin

Madridning “Real” klubi Dortmundning “Borussiya” klubi yarim himoyachisi Jud Bellingemga qiziqish bildirmoqda, deb xabar beradi Cadena Cer.

Manbaga ko'ra, "qirollik klubi" kelasi yozda futbolchi uchun 90 million evro to'lashga tayyor. Biroq transfer summasi 100 milliondan oshishi mumkin, chunki "Liverpul" va "Chelsi" ham yarim himoyachiga da'vogarlik qilmoqda.

19 yoshli Bellingem o'tgan mavsumda "Borussiya Dortmund" tarkibida 43 ta o'yinda maydonga tushib, 6 ta gol urdi va 14 ta golli uzatmani amalga oshirdi. Uning klub bilan shartnomasi 2025 yilning yoziga qadar mo'ljallangan.