Saloh «Liverpul» rekordini o'rnatdi

«Liverpul» hujumchisi Muhammad Saloh uchun Angliya chempionatining 36-turi doirasida bo'lib o'tgan «Xaddersfild»ga qarshi bahs (5:0) mersisaydliklar safidagi 100-o'yin bo'ldi. Misrlik futbolchi shuncha o'yin davomida 69ta gol urishga muvaffaq bo'ldi.

Bu klub tarixidagi eng yaxshi natijadir. Avvalroq Rodjer Xant (1958-1969) va Sem Reybould (1900-1907) «Liverpul» safidagi dastlabki 100ta o'yinda 68ta gol urishgan edi.

Faktlar:
— «Xaddersfild»ga qarshi o'yinda Saloh "dubl"ga erishdi.
— Muhammad 2017 yildan beri «Liverpul» safida o'ynamoqda.