Las-Vegasda bo'lib o'tadigan «el-klasiko» chiptalari bir hafta ichida sotilib ketdi

AQShda bo'lib o'tadigan «Barselona» va «Real» o'rtasidagi uchrashuv muxlislar bilan to'lgan tribunada bo'lib o'tadi.

Ispan grandlari o'rtasidagi «el-klasiko» bahsi 23 iyul sanasida Las-Vegasda o'tkaziladi.

"Klasiko" uchun chiptalar bir hafta ichida sotib bo'lindi. O'yin 63 ming tomoshabinni o'z bag'riga sig'diradigan «Allegiant Stadium» arenasida bo'lib o'tadi.

26 iyul sanasida «Barselona» boshqa o'rtoqlik o'yinida «Yuventus» bilan bahs olib boradi. Uchrashuv 92 100 tomoshabin sig'imiga ega Dallasdagi «Cotton Bowl» stadionida o'tkaziladi. Ushbu o'yin uchun chiptalar ham allaqachon sotib bo'lingan.

Karlo Anchelotti shogirdlari esa 26 iyul kuni San-Frantsiskoda Meksikaning «Amerika» jamoasi bilan, 30 iyul kuni Los-Anjelesda «Yuventus» bilan bahs olib boradi.