Levandovski bir futbolchidan kuchliligini isbotlash uchun La Ligaga o'tmoqchi

"Bavariya" hujumchisi Robert Levandovskining sobiq agenti Tsezari Kuxarski polshalik hujumchining "Barselona"ga o'tish istagi haqida gapirdi.

Kuxarskining aytishicha, Levandovski anchadan beri Ispaniyada o'ynashni orzu qilgan, buni Myunxen klubi rahbariyati biladi.

Shuningdek, agentning so'zlariga ko'ra, polyak o'zini “Real” hujumchisi Karim Benzemadan yaxshiroq ekanini isbotlamoqchi.

«U «Bavariya»ga o'zini qo'yib yuborishi uchun bosim o'tkazishi kerak edi. Nemis klubi rahbariyati Levandovski Ispaniyada o'ynashni istayotganini bilar edi. U Germaniyada, keyin Ispaniyada o'ynashni rejalashtirgan va u faoliyatini MLSda yakunlamoqchi edi", - deydi Kuxarski.