"Manchester Siti" endi e'tiborini Sterlingni sotishga qaratmoqchi

Hujumchi Gabriel Jezus Londonning "Arsenal" klubiga sotilganidan so'ng, "Manchester Siti" rahbariyati Londonning "Chelsi" klubi faol qiziqish bildirayotgan qanot yarim himoyachisi Raxim Sterlingni transfer qilish bo'yicha kelishuvga e'tibor qaratadi. Bu haqda jurnalist Saymon Fillips ijtimoiy tarmoqlarda xabar bermoqda.

Sterlingning transferi "Chelsi"ga 60 million evroga tushishi mumkin. "Manchester Siti" Jezusning transferidan ko'ra Rahimning transferidan ko'proq mablag' ishlab olishni xohlaydi, ammo "ko'klar" ingliz futbolchisini arzonroq narxda sotib olishlariga ishonishadi.

Eslatib o'tamiz, Sterling "Chelsi" bosh murabbiyi Tomas Tuxel bilan muzokara olib borgan.