"PSJ" shu haftada yangi bosh murabbiyni rasman e'lon qilishiga ishonmoqda

Kristof Galte shu hafta rasman "PSJ"ning yangi bosh murabbiyi sifatida e'lon qilinadi. Jurnalist Fabritsio Romanoning so'zlariga ko'ra, Parij klubi bir hafta ichida yangi murabbiy tayinlanishini e'lon qila olishiga ishonchi komil.

Avvaliga "PSJ" murabbiy uchun «Nitstsa»ga tovon puli to'lashi kerak, bu esa taxminan 8 million evroni tashkil etadi, keyin esa Parij klubi yaqin orada ketishidan xabardor bo'lgan hozirgi bosh murabbiyi Maurisio Pochettinoni iste'foga chiqarishi kerak.

Galte "PSJ" rahbariyati uchun muqobil variant edi. Avvalroq klub “Real”ning sobiq ustozi Zinedin Zidanni jamoani boshqarishga ko'ndira olmagandi.