"Barselona" va "Bavariya" o'rtasida hamon kelishuv yo'q

"Barselona" va "Bavariya" polshalik 33 yoshli hujumchi Robert Levandovski borasida kelishuv shartlari bo'yicha kelisha olmayapti, deb xabar beradi Sport.es.

Oldinroq "Bavariya" polshalik uchun 60 million evro talab qilayotgani xabar qilingandi. Ammo "Barselona" futbolchining yoshi va myunxenliklar klubi bilan shartnomasi tugashini inobatga olib, bunday summani to'lashga tayyor emas.

Avvalroq futbolchining xizmatlariga Frantsiyaning "PSJ" klubi ham qiziqish bildirayotgani xabar qilingandi.

Oldinroq Robert Levandovski endi "Bavariya"da o'ynashga tayyor emasligini va klubni tark etish niyatida ekanligini ma'lum qilgandi.

O'tgan mavsumda Robert barcha musobaqalarda 46 ta o'yinda qatnashib, 50 ta gol va 7 ta golli uzatmani amalga oshirgan. Polshalik hujumchi va myunxenliklar o'rtasidagi shartnoma 2023 yilning yoziga qadar tuzilgan.