Manba: Suares Beyl va Kellini bilan jamoadosh bo'ladi

Amerikaning MLS ligasida harakat qiladigan “Los-Anjeles Gelaksi” klubi Madridning “Atletiko” klubi sobiq hujumchisi Luis Suares bilan shartnoma imzoladi, deya xabar bermoqda jurnalist Fabritsio Romano o'z tvitterida.

Manba bergan xabarga ko'ra, erkin agent maqomida bo'lgan urugvaylik futbolchi yangi klubi bilan bir mavsumlik shartnoma imzolagan.

Avvalroq hujumchi xizmatlariga Italiyaning "Fiorentina" va "Atalanta" klublari, shuningdek, "Aston Villa", "Ayaks" va "River Pleyt" klublari qiziqish bildirayotgani haqida xabar berilgandi.

Suares o'tgan mavsumda "Atletiko Madrid" safida barcha musobaqalarda 45 ta o'yinda maydonga tushib, 13 ta gol urdi va 2 ta golli uzatmani amalga oshirdi.