Murodjon Ahmadaliev raqibini nokautga uchratib g'alaba qozondi

Professional boksning ikkinchi yarim engil (-55,34 kg) vazn toifasida ringga chiqayotgan o'zbekistonlik Murodjon Ahmadaliev (6-0, 5 KO) navbatdagi jangini o'tkazdi.

Inglvud shahridagi Forum saroyida bo'lib o'tgan boks oqshomida Murodjon Ahmadalievga meksikalik sobiq chempion, jahon chempionligi kamari da'vogari Karlos Karlson (23-6, 14 KO) raqiblik qildi.

8 raundga mo'ljallangan reyting jangida Murodjon to'liq ustunlik ega bo'ldi va 3-raund tugashiga 9 soniya qolganida raqibini nokautga uchratishga muvaffaq bo'ldi. Natijada Ahmadaliev jahon chempionligi uchun kechadigan jangidan oldin navbatdagi nokautni o'z hisobiga yozib qo'ydi.