London klubi 18 yoshli hujumchi bilan shartnoma imzoladi

"Derbi Kaunti" hujumchisi Malkolm Ebiovey "Kristal Pelas" bilan shartnoma imzoladi. Bu haqda londonliklar rasmiy sayti xabar berdi.

Ma'lumotlarga ko'ra, "Pelas" 18 yoshli vinger bilan 5 yillik shartnoma imzolagan. Kelishuv 1 iyuldan rasman kuchga kiradi.

Avvalroq, "Manchester Yunayted" va "Monako" ham futbolchiga da'vogarlik qilayotgani haqida ma'lumotlar paydo bo'lgandi.

Ebiovey o'tgan mavsumda "Derbi" safida 29 ta o'yinda maydonga tushib, 8 ta gol urdi va 3 ta golga assistentlik qildi.