Luisma Ernandes: «O'zbekiston U23 terma jamoasining Olimpiadaga chiqishiga ishonaman»
/ Kiritdi: BestMaster Ko'rilgan: 110
Superliga 11-turidan o'rin olgan "Metallurg" – "Olimpik" (1:1) o'yinidan keyin mezbonlar bosh murabbiyi Luisma Ernandes fikrlari bilan o'rtoqlashdi.
— O'yin haqida.
— Birinchi taymda ob-havo juda issiq edi. Shuning uchun har ikki jamoa o'yinga kirishib ketishda qiyinchilikka uchradi. Ikkinchi taymda ancha hujumkor o'ynashga qaror qildik. Bizda talaygina imkoniyatlar bo'ldi, lekin ulardan unumli foydalana olmadik. Umuman olganda, o'yinchilarimiz harakatidan mamnunman.
— To'p nazorati va imkoniyatlar yaratishda "Metallurg" imkoniyatni raqibga boy berdi. Bu haqda qanday fikrdasiz?
— "Olimpik" juda yosh futbolchilardan iborat shiddatli jamoa. Shundan kelib chiqib to'p ularda bo'lgan vaziyatda himoyaga urg'u qaratdik va qarshi hujumda harakatlanishga urindik.
— "Metallurg" ketma-ket ikkinchi uchrashuvda nursiz durang qayd etmoqda, biroq har ikki bahsda gollik imkoniyatlar bo'ldi. Ulardan foydalanishda shogirdlaringizga nima etishmayapti?
— Murabbiy sifatida aytadigan bo'lsam, men himoyada va hujumda qanday o'ynashni ishlab chiqaman. Ammo siz aytgandek, vaziyatlarni yaratsak-da, gol urolmayapmiz. Bizga xotirjamlik va sovuqqonlik etishmayapti. Yozgi transfer vaqtida ba'zi bir transferlarga qo'l uramiz. Keyingi o'yinlarda gol uramiz degan umiddaman.
— Chet ellik murabbiy sifatida Timur Kapadze boshchiligidagi U-23 terma jamoamizning Olimpiadaga chiqish imkoniyatlarini qanday baholaysiz?
— "Olimpik" jamoasini o'tgan yildan buyon bilamiz. Chempionatdagi va U-23 Osiyo Kubogidagi o'yinlarini ko'rib bordik. Jamoa – yosh va kuchga to'la. Bundan keyin ham xuddi bugungidek o'ynashda davom etsa, Olimpiaga yo'l olishi va g'alaba qozonishi mumkin.
Bosh sahifaga
238