Qulluq bo'lsin kuyov bola! "Manchester Yunayted" sardori uylandi

“Manchester Yunayted” futbolchisi bolalikdagi sevgilisiga uylandi.

Fern Xokins "mankunianliklar" himoyachisi Garri Maguayrning rafiqasiga aylandi. Marosim Frantsiyadagi eski qasrda bo'lib o'tdi.

Garri va Fern Xokins o'smirlikdan birga bo'lishgan. Ularning Lilli Seynt va Payper Rouz ismli ikki qizi bor.

Qayd etilishicha, “Manchester Yunayted” futbolchisi Burgundiyaga 50 ming funt sterling turadigan shaxsiy samolyotda 30 nafar mehmon, jumladan, futbolchining oila a'zolari va do'stlari hamrohligida kelgan.

Shuningdek, mehmonlardan to'y chog'ida mobil telefondan foydalanmaslik so'ralgani qayd etilgan.