"Vest Xem"ga "avliyo" futbolchi kerak

"Vest Xem" "Sautgempton" yarim himoyachisi Jeyms Uord-Prouzga qiziqish bildirmoqda.

27 yoshli yarim himoyachining transferi borasida londonliklar bosh murabbiyi Devid Moyes bir qarorga kelgan, deb xabar beradi Sky Sports.

Biroq, «avliyolar» o'z sardori uchun 75 million funt sterling talab qilmoqdalar, bu esa har qanday potentsial xaridorlarni qo'rqitadi.

Uord-Prouzning "Sautgempton" bilan shartnomasi 2026 yilgacha mo'ljallangan. 

U o'tgan mavsumda Premer-liganing 36 o'yinida maydonga tushib, 10 gol urib, 5 golga assistentlik qilgan.