“Inter” – Dibala uchun eng ideal jamoa

“Inter” va Argentina terma jamoasining sobiq futbolchisi Diego Milito “Yuventus”ning sobiq hujumchisi, hozirda erkin agent maqomida bo'lgan Paulo Dibalani Milan shahri klubida porlashi mumkinligini aytib o'tdi.

“Ko'ramiz, “Inter” Paulo Dibalani sotib oladimi? U hamma uchun foydali bo'lishi mumkin bo'lgan o'yinchi. Imkoniyat bo'lsa, shartnoma imzolanishi kerak. Paulo allaqachon yaxshi o'yinchilar bilan ta'minlangan klubning qimmatli futbolchisi bo'la oladi.

“Inter” – Paulo Dibala uchun karerasini tiklash nuqtayi nazaridan to'g'ri klub va u ligani o'zgartirishga majbur bo'lmasdi. Dibala A Seriyani yaxshi biladi, uzoq vaqt moslashishga to'g'ri kelmaydi. Jamoa va muxlislar uni yaxshi kutib olishgan bo'lardi, shuningdek, unda qasos olish istagi hal qiluvchi bo'lardi”, – deydi Milito La Gazzetta dello Sport nashriga bergan intervyusida.