“Real” “yangi Benzema”ni sotib olmoqchi

Braziliyaning “Botafogo” klubi hujumchisi Matey Nasimento “Real”ga o'tishi mumkin.

Qayd etilishicha, futbolchini Madrid klubining asosiy skautlaridan biri, avvalroq “Real”ga Vinisius, Rodrigo va Federiko Valverdeni sotib olishga yordam bergan Juni Kalafat kuzatib borgan.

“Real Madrid” rahbariyati 18 yoshli hujumchini yoshlar o'yinlarida qo'llash, keyin esa asta-sekin asosiy jamoaga olib kelish niyatida.

Braziliyada Mateusni “yangi Benzema” deb atashadi. Uning shartnomasi bo'yicha tovon puli 50 million evroni tashkil qiladi.