Taekvondo. Rafalovich qit'amizda tengsiz, Osipova bronza medali sohibasi

Koreya Respublikasida taekvondo WT bo'yicha Osiyo chempionati qizg'in davom etmoqda. Quvonarlisi, musobaqaning bugungi kuni ham taekvondochilarimiz uchun muvaffaqiyatli o'tdi.

Chempionatda -87 kg vazn toifasida yurtimiz sharafini himoya qilgan ikki karra JCh finalchisi Nikita Rafalovich barcha raqiblarini mag'lubiyatga uchratib, oltin medalni qo'lga kiritdi. U finalda iordaniyalik Fahed Sbeyhidan ustun keldi.

Ayollar o'rtasida +73 kg vazn toifasida ishtirok etgan Svetlana Osipova yurtimizga bronza medali bilan qaytadigan bo'ldi.

Nikitaning ushbu g'alabasi orqali O'zbekiston erkaklar terma jamoasi hisobidagi oltin medallar soni uchtaga etdi. Yigitlarimiz bu bilan umumjamoa hisobida Janubiy Koreyani ham ortda qoldirib, birinchi o'ringa chiqib olishdi.