Kulibali "Yuventus"dan dahshatli maosh so'ragan

"Napoli" himoyachisi Kalidu Kulibali "Yuventus"dan qancha maosh so'ragani ma'lum bo'ldi.

Calciomercato nashri bergan ma'lumotlarga ko'ra, 31 yoshli senegallik himoyachi Turin klubi u bilan shartnoma imzolashni istasa, yillik 9 million evro maosh bilan ta'minlashi kerakligini ma'lum qildi. "Byankonerilar" rahbariyati futbolchining bunday yuqori talabi tufayli transfer qilishdan bosh tortdi.

Eslatib o'tamiz, Kulibalining neapolliklar bilan amaldagi shartnomasi 2023 yilda yakunlanadi. Tomonlar uni uzaytirish borasida hozircha bir to'xtamga kela olishmayapti.