Boks. Murodjon Ahmadaliev navbatdagi jangini o'tkazdi

Professional boks bo'yicha ikkinchi yarim engil vazn (-55,34 kg) toifasida WBA va IBF kamarlari sohibi Murodjon Ahmadaliev (10-0, 7 KO) bugun, 26 iyun tongida AQShda navbatdagi jangini o'tkazdi.

Matchroom tomonidan o'tkazilgan musobaqada o'zbekistonlik bokschiga amerikalik Ronni Rios (33-3-0, 16 KO) raqiblik qildi.

12 raund etib belgilangan jangning so'nggi raundida Ahmadaliev raqibini kuchli zarbalar orqali texnik nokautga uchratdi va o'zining navbatdagi uchinchi himoya jangida ham g'alaba qozondi.