Zieshni o'z safiga qo'shib olmoqchi bo'lgan klublar soni oshib bormoqda

"Chelsi" hujumkor yarim himoyachisi Xakim Ziesh faoliyatini boshqa jamoada davom ettirishi kutilmoqda.

Hozirda unga "Milan", "Lion", "Roma" va "Marsel" qiziqish bildirmoqda, deya xabar berdi Daily Mail. Qayd etilishicha, 29 yoshli marokashlik futbolchini "Aristokratlar" munosib taklif tushsa, qo'yib yuborishga tayyor.

Transfermarkt Zieshni 28 million evroga baholagan. U Angliya Premer-ligasining o'tgan mavsumida 23 ta o'yinda 4 ta gol va 3 ta golli uzatma amalga oshirdi.