"Yuventus" himoyachisi ijaraga berib yuborildi

"Yuventus" qanot himoyachisi Janluka Frabotta "Lechche"ga o'tdi.

Ijara shartnomasi bir yil muddatga tuzilgan. Xarid qilish huquqi haqida hozircha jamoa tomonidan ma'lumot berilmagan.

Frabotta o'tgan mavsumda "Verona" safida og'ir jarohati tufayli atigi ikkita o'yin o'tkazdi.

Avvalroq "Lechche" Shveytsariya chempionati to'purarlaridan biriga qiziqish bildirayotgani haqida xabar berilgandi.