"PSJ" Sanshesh uchun 20 milliondan ko'proq sarflashga tayyor

"PSJ" Renatu Sansheshga jiddiy qiziqish bildirmoqda, deya xabar beradi jurnalist Loich Tanzi.

Unga ko'ra, Parij klubi portugaliyalik yarim himoyachi borasida "Lill" bilan muzokaralarda oldinga siljishni istamoqda.

Mish-mishlarga ko'ra, "PSJ" Sanshesh uchun 20 million evrodan ko'proq taklif qilishga tayyor. Uning "Lill" bilan shartnomasi 2023 yilning yoziga qadar mo'ljallangan.

2021/22 yilgi mavsumda portugal "Lill" safida barcha turnirlar doirasida 32 ta o'yinda maydonga tushib, 2 ta gol va 5 ta golli uzatmaga mualliflik qilgan.