Miranchuk ijara asosida A Seriyaning boshqa bir jamoasiga yo'l olishi mumkin

Yarim himoyachi Aleksey Miranchuk yozgi transfer oynasida “Atalanta”ni tark etishi mumkin. "Torino" rossiyalik futbolchiga faol qiziqish bildirmoqda, deb xabar beradi CalcioAtalanta.

Turin klubi yarim himoyachini ijaraga olishga tayyor. Shu bilan birga, Turin klubi Miranchukni sotib olish huquqini shartnomaga kiritish niyatida. Ammo "Atalanta" bu shartlarga ko'nmoqchi emas.

Miranchuk 2020 yilning sentyabrida “Lokomotiv”dan “Atalanta”ga ko'chib o'tgandi. 2021/22 yilgi mavsumda yarim himoyachi jamoa safida 25 ta o'yinda qatnashib, 2 ta gol va 5 ta golli uzatmani amalga oshirgan.

Miranchukning klub bilan shartnomasi 2024 yilning yoziga qadar mo'ljallangan. Transfermarkt.com portali futbolchini 10 million evroga baholamoqda.