Xavi "PSJ" bilan uzoq muddatli shartnoma imzolashga rozi bo'ldi

"PSJ" yarim himoyachisi Xavi Simons parijliklar klubi bilan uzoq muddatli shartnoma imzolashga rozi bo'ldi, deya xabar beradi jurnalist Fabritsio Romano.

Avvalroq futbolchi "Barselona"ga o'tishga yaqin edi, ammo frantsuz klubi futbolchi bilan shartnomani uzaytirishga harakat qildi.

"PSJ" 19 yoshli niderlandiyalik bilan uzoq muddatli shartnoma borasida "to'liq kelishuv"ga yaqin turibdi - muzokaralar yakuniy bosqichda. Simons keyingi mavsumda ijara asosida PSVda harakat qilishi mumkin.

O'tgan mavsumda Simons "PSJ" safida 9 ta o'yinda maydonga tushib, 1 ta golli uzatmani amalga oshirgan. Yarim himoyachi, shuningdek, UEFA Yoshlar ligasining 7 ta o'yinida 4 ta gol va 6 ta golli uzatmaga mualliflik qilgan.