"Barselona" skauti - Kulibali haqida: "Uning maoshini hisobga olsak, u nima uchun ketishni istayotganini tushunaman"

"Barselona" skauti Ariedo Brayda "Napoli" himoyachisi Kalidu Kulibalining shartnomasi tugashiga bir yil qolganda jamoani tark etish istagi haqida fikr bildirdi.

«Ha, u ketishi mumkin, ammo unga yangi shartnoma taklif qilishdi. Maoshini inobatga olsak, nima uchun ketmoqchi ekanligini tushunaman. U ajoyib himoyachi, uning tanasi himoyaviy o'yin uchun juda mos keladi. U hatto 30 yoshida ham jamoasiga ko'p narsa bera oladi», - dedi Brayda Calciomercato nashriga.

Eslatib o'tamiz, Kataloniyaning "Barselona" va Londonning "Chelsi" klublari ayni damda Kulibaliga da'vogarlik qilmoqda. Har ikki klub ham himoya markazini kuchaytirishi kerak. “Napoli” senegallik futbolchini 50 million evro evaziga qo'yib yuborishga tayyor.