"Barselona"ning Dembelega taklif qilgan moliyaviy shartlari ma'lum bo'ldi

Xavi Usmon Dembeleni "Barselona"da qolishga ko'ndirmoqchi.

“Ko'k-anorranglilar” ustozi frantsiyalik futbolchini kataloniyaliklar safida o'ynashni davom ettirishga ko'ndirish uchun Dembelega qo'ng'iroq qildi, deb xabar bermoqda L’Équipe.

Tomonlar moliyaviy masalasida hozircha kelisha olmayapti. "Barselona" 25 yoshli futbolchiga soliqqa qadar yiliga 18 million evro taklif qilmoqda. Dembele bu summani soliqlardan keyin olishni istamoqda.

Shu bilan birga, tomonlar o'rtasidagi muzokaralar bir necha oy avvalgidek keskin emas. Klub va futbolchining pozitsiyalari endi bir-biridan unchalik uzoq emas.

Dembelening "Barselona" bilan amaldagi shartnomasi iyun oyi oxirigacha amal qiladi, shundan so'ng u erkin agentga aylanadi.