"Inter" hali Shkrinyarni sotmay turib unga o'rinbosar topib qo'ydi

"Inter" klubi A Seriyaning boshqa klubidan himoyachini transfer qilishga rozi bo'ldi, ammo shartnoma Milan Shkrinyar ketgan taqdirdagina amalga oshadi. Sky Sport Italia nashrining yozishicha, "Fiorentina"ning serbiyalik himoyachisi Nikola Milenkovich "neradzurrilar" safiga qo'shilishi kerak.

Eslatib o'tamiz, Shkrinyar hozirda 55 million evro evaziga "PSJ"ga o'tishga bir qadam qolgan. 27 yoshli sloveniyalik futbolchi parijliklar bilan shaxsiy shartnoma shartlarini ham kelishib oldi.

Milenkovichning kelishi o'tgan mavsum yakunida Italiya A seriyasining eng yaxshi himoyachisi deb topilgan "Torino"dan Gleyson Bremerning ehtimoliy transferiga ta'sir qilmasligi kerak.