"PSJ" darvozaboni APLga o'tishga yaqin turibdi

"PSJ" darvozaboni Alfons Areola "Vest Xem"ning to'laqonli futbolchisiga aylanishni yakunlashi kutilmoqda. Jurnalist Fabritsio Romanoning so'zlariga ko'ra, kelishuv yakuniy bosqichda.

Eslatib o'tamiz, Areola o'tgan mavsumni "Vest Xem"da ijara asosida o'tkazgan. Angliya Premer-ligasida Lukas Fabyanskining o'rniga maydonga tushgan bo'lsa, Evropa ligasida aynan Areola “bolg'achilar” darvozasidan joy olgan.

Areola "PSJ" tarbiyalanuvchisi, ammo barcha yillar davomida darvozabon jamoaning asosiy tarkibidan joy olmadi. Darvozabon avvalroq “Vilyarreal”, “Real” va “Fulxem” kabi klublarda ijara asosida o'ynagan.