"Roma" "Tottenxem"ga Dzanoloning narxini ma'lum qildi

"Tottenxem" klubi "Roma" vingeri Nikolo Dzanologa qiziqish bildirmoqda, deya xabar beradi Sky Sports.

Manbaning xabariga ko'ra, ingliz klubi yozgi transfer oynasida futbolchini sotib olmoqchi. Rimliklar futbolchini 50 million evroga baholamoqda.

22 yoshli Dzanolo o'tgan mavsumda "Roma" safida barcha turnirlar doirasida 42 ta o'yinda maydonga tushib, 8 ta gol urdi va 9 ta golli uzatmani amalga oshirdi. Uning klub bilan shartnomasi 2024 yilning yoziga qadar mo'ljallangan.