"Liverpul" 2 million evro ishlab oladi

Jurnalist Fabritsio Romanoning xabar berishicha, "Nottingem Forest" "Union" hujumchisi Tayvo Avoniyining transferini yakunlash arafasida.

Manbaga ko'ra, ingliz klubi 24 yoshli nigeriyalik uchun taxminan 20 million evro to'laydi.

Hujumchi "Union"ga "Liverpul"dan o'tgan. Berlin klubi bilan kelishuvga ko'ra mersisaydliklar transfer summasining 10 foizini oladi.

"Union" Avoniyini 2020 yilning sentyabrida "Liverpul"dan ijaraga olgan, 2021 yilning yozida nemis klubi futbolchini mersisaydliklardan sotib olgandi. 2021/22 yilgi mavsumda hujumchi nemis klubi tarkibida 43 o'yinda 20 ta gol urdi va 5 ta golli uzatmani amalga oshirdi.