"Shaxtyor" yana bir etakchisidan ayrilish arafasida turibdi

"Nitstsa" "Shaxtyor"ning isroillik yarim himoyachisi Manor Solomonga qiziqish bildirmoqda, deb xabar beradi Le10Sport.

Manbaga ko'ra, frantsuz klubi yozgi transfer oynasida futbolchini sotib olmoqchi. "Shaxtyor" yarim himoyachini 10 million evroga baholamoqda. Unga shuningdek "Fulxem" ham qiziqish bildirmoqda.

O'tgan mavsumda 22 yoshli Solomon “Shaxtyor” safida barcha turnirlarda 26 ta o'yinda maydonga tushib, 4 ta gol urdi va 2 ta golli uzatmani amalga oshirdi. Uning klub bilan shartnomasi 2023 yilning 31 dekabrigacha amal qiladi.