OFK kubogi. «So'g'diyona» legionerlarning gollari evaziga g'alaba qozondi

Ulug'bek Baqoev boshchiligidagi Jizzaxning "So'g'diyona" jamoasi OFK Kubogining 1-tur doirasida Qirg'izistonning "Neftchi" jamoasi bilan bahs olib bordi.

Jizzaxliklar raqib darvozasini burchak zarbalaridan so'ng 2 marta ishg'ol qilishdi. Birinchi bo'limga qo'shib berilgan 2-daqiqada Luka Chermel bosh bilan hisobni ochgan bo'lsa, ikkinchi bo'lim avvalida Marko Kolakovich yaqin masofadan to'pni raqib darvozasiga joyladi. Har ikki golga Jasur Hasanov assistentlik qildi.

Shu tariqa, "So'g'diyona" musobaqa debyutini g'alaba bilan boshladi. Jamoa keyingi bahsni 27 iyun kuni Tojikistonning TsSKA klubiga qarshi o'tkazadi. O'yin 22:00da boshlanadi.

OFK kubogi-2022. "E" guruhi. 1-tur
"So'g'diyona" - "Neftchi" (Qirg'iziston) 2:0
Tojikiston. Dushanbe. "Markaziy" stadion
Gollar: Luka Chermel 45+2, Marko Kolakovich 53.
Ogohlantirish: Behruz Shodmonov (37, "So'g'diyona")
"So'g'diyona": 27. Milan Mitrovich, 6. Iskandar Shaykulov, 7. Shaxboz Jurabekov, 10. Shoxruz Norxonov (20. Bahodir Nasimov, 85), 11. Jasur Hasanov (33. Doniyor Abdumannopov, 63), 12. Xislat Halilov, 16. Artyom Fliposyan, 19. Javohir Qahramonov (8. Marat Bikmaev, 85), 23. Behruz Shodmonov (77. Daniel Nasriddinov, 45), 31. Luka Chermel, 93. Marko Kolakovich
"Neftchi" (Qirg'iziston): 1. Mixail Paius, 3. Azamat Abdullaev, 6. Askarbek Saliev (S), 7. Argen Jumataev (4. Timur Majidov, 86), 9. Eldar Moldojunusov (8. Davlyatxan Baratov, 75), 10. Tursunali Rustamov, 12. Esenbek Uson Uulu, 19. Abrorbek Asqarov (17. Eldiiar Sardarbekov, 60), 20. Ahliddin Isroilov (29. Vladislav Fedosov, 86), 21. Almazbek Malikov, 77. Adilet Kannabekov (23. Abror Qidiraliev, 75)
Hakamlar: Srikrishna Komibatore, Suman Dutta (Hindiston), Amarjit Singx Sarao(Gonkong), Ali Hassan Ibrohim (Bahrayn),