"Atalanta" futbolchisi A Seriyaning boshqa klubiga o'tishni o'ylamoqda

“Atalanta” yarim himoyachisi Yosip Ilichich faoliyatini Italiyaning boshqa klubida davom ettirishi mumkin. Jurnalist Nikolo Skiraning xabariga ko'ra, sloveniyalik futbolchi Sinisha Mixaylovich bosh murabbiylik qiladigan "Bolonya" jamoasiga o'tishi mumkin.

"Atalanta" futbolchining jamoada qolishini istamoqda. Bergamo klubi sloveniyalik futbolchiga ikki yillik shartnoma taklif qildi, ammo Ilichich o'ylash uchun vaqt so'radi. Futbolchi "Bolonya"ga o'tishni o'ylamoqda.

O'tgan mavsumda Ilichich Italiya A seriyasida 3 ta gol urdi va 4 ta golli uzatmani amalga oshirdi. Bu yarim himoyachi uchun "Atalanta"ga o'tgandan beri eng yomon natija hisoblanadi. 34 yoshli sloveniyalik 2017 yildan buyon Jan Pero Gasperini jamoasida o'ynab kelmoqda.