Iguainning "Arsenal"ga o'tishi nega bekor bo'lgandi?

Argentina terma jamoasi va Madridning “Real” klubi sobiq hujumchisi, hozirda MLSda to'p surayotgan Gonsalo Iguain Londonning “Arsenal” klubiga muvaffaqiyatsiz transferini esladi.

"Bir paytlar men "Arsenal"ga o'tishim mumkin edi. U transfer deyarli amalga oshib turgandi, lekin yakunda "Napoli"ga o'tdim. "Kanonirlar" meni juda qimmat deb aytishdi. Garchi ular o'shanda Mesut O'zilni katta pul evaziga sotib olishgan bo'lsalar ham, - dedi futbolchi Tyc Sports bilan suhbatda.

Evropada Gonsalo "Real", "Napoli", "Yuventus", "Milan" va Londonning "Chelsi" klublaridagi o'yinlari orqali tanilgan. Hozirda argentinalik futbolchi “Inter Mayami” futbolchisi hisoblanadi. Iguain 2020 yildan beri Florida shtati jamoasi sharafini himoya qilib kelmoqda.