"Oltin to'p"ga kim munosib? Karvaxal javob qaytardi

Madridning "Real" klubi himoyachisi Dani Karvaxal jamoadoshi Karim Benzema haqida fikr bildirdi. Ispaniyalik himoyachining fikricha, frantsiyalik hujumchi “Oltin to'p”ni qo'lga kiritishi kerak.

"Men Karimning "Oltin to'p"ni olishiga shubha qiladigan odamni bilmayman. Boshqa barcha da'vogarlar Benzemadan ancha orqada. U mavsumni ajoyib o'tkazdi va “Real”ning muvaffaqiyatiga katta hissa qo'shdi”, – dedi Karvaxal AS nashriga.

Benzema yordamida madridliklar o'tgan mavsumda Ispaniya chempionligi va Chempionlar ligasida g'olib chiqishdi. Hujumchi barcha musobaqalarda 46 ta o'yinda 44 ta gol va 15 ta golli uzatmani amalga oshirgan.