Rangnik nima uchun "MYu"dan ketganini sababi aniqlandi

Ralf Rangnik Avstriya terma jamoasi bilan ishlagani uchun “Manchester Yunayted”dagi maslahatchi lavozimini tark etmadi. ESPN nashri xabar berishicha, “qizil iblislar”ning yangi bosh murabbiyi Erik ten Xag nemis mutaxassis bilan ishlashdan bosh tortgan.

Shu bois Rangnik mavsum yakunida “Manchester Yunayted” bilan hamkorlikni to'xtatishga kelishib oldi. Agar u klubda ishlashda davom etganida, Ralf Avstriya terma jamoasini boshqarishga arang rozi bo'lardi.

Eslatib o'tamiz, Rangnik o'tgan mavsumda "Manchester Yunayted"ga APLda oltinchi o'rinni egallashga yordam bergandi. Nemis qo'l ostida jamoa Chempionlar ligasining 1/8 finaliga ham yo'l oldi.