Pedro jamoasini o'zgartirishi kutilmoqda

"Kalyari"ning 30 yoshli hujumkor yarim himoyachisi Joau Pedro jamoasini o'zgartirishi mumkin, deya xabar berdi insayder Nikolo Skira.

Qayd etilishicha, unga "Salernitana" faol qiziqish bildirmoqda va futbolchi uchun "Kalyari"ga 6 million evro taklif qilgan. Agar braziliyalik "Salernitana"ga o'tsa, uning maoshi mavsumiga 2 million evroni tashkil qiladi.

Joau Pedroning "Kalyari" bilan shartnomasi kelasi yilning yozida tugaydi. Transfermarkt portali futbolchini 12 million evroga baholamoqda. Joau o'tgan mavsumda A Seriyada 37 ta o'yinda maydonga tushib, 13 ta gol urdi va 4 ta golli uzatmani amalga oshirdi.